பாரதி கண்ணம்மா 2ஆம் பாகத்தில் கெட்டிமேளம் குறும்பட நடிகை நடித்துள்ளார்.
தொலைக்காட்சி என்றாலே சீரியல்கள் தான். திங்கள் முதல் வெள்ளி வரையோ அல்லது சனிக்கிழமை வரையிலோ வாரம் முழுவதும் காலை முதல் இரவு வரையில் சீரியல்கள் தான் ஒளிபரப்பாகிறது. தினந்தோறும் நம் அன்றாட வாழ்க்கையில் ஒவ்வொருவரது குடும்பத்தில் நடக்கும் நிகழ்வுகளைத் தான் விதவிதமாக சீரியல்களில் கொண்டு வருகிறார்கள். எல்லா தொலைக்காட்சிகளிலும் சீரியல்களுக்கு தான் அதிக முக்கியத்தும் கொடுக்கப்படுகிறது. சீரியல்கள் மட்டுமின்றி ரியாலிட்டி ஷோக்களுக்கும் முக்கியத்தும் கொடுக்கப்படும் தொலைக்காட்சி என்றால் அது விஜய் தொலைக்காட்சி தான்.
இந்த தொலைக்காட்சியில் கடந்த 2019 ஆம் ஆண்டு பிப்ரவரி 25 ஆம் தேதி ஒளிபரப்பான சீரியல் பாரதி கண்ணம்மா. இதில், ரோஷினி ஹரிபிரியன், அருண் பிரசாத், ரக்ஷா ஷ்யாம், ஃபரினா ஆசாத், ரூபா ஸ்ரீ, காவ்யா அறிவுமணி, தீபா சங்கர், ரேகா, எம் ஜே ஸ்ரீராம், வாசு விக்ரம், சோனா நாயர், ரிஷி கேசவ், கண்மணி மனோகரன், வெங்கடேஷ், செந்திகுமாரி, ராஜூ ஜெயமோகன், ஆல்ய மானசா, நீபா, ரேவதி, பிரவீன் தேவசகாயம் என்று ஏராளமான நட்சத்திரங்கள் நடித்திருந்தனர். கடந்த 2019 ஆம் ஆண்டு பிப்ரவரி 25 ஆம் தேதி தொடங்கப்பட்ட இந்த சீரியல் கடந்த 4 ஆம் தேதி சனிக்கிழமையுடன் நிறைவு பெற்றது.
கருத்தமுத்து என்ற மலையாளம் தொடரின் தமிழ் ரீமேக் தான் பாரதி கண்ணம்மா. கிட்டத்தட்ட 4 ஆண்டுகள் மக்கள் மத்தியில் நல்ல செல்வாக்கை பெற்று வந்த இந்த பாரதி கண்ணம்மா சீரியல் 1100 எபிசோடுகள் வரையில் மக்களோடு பயணித்துள்ளது. இந்த சீரியலில் நடித்த பிரபலங்கள் வெளியுலகிலும் அதே கதாபாத்திரங்களாகவே மக்களோடு மக்களாக ஒன்றிவிட்டார்கள். இந்த சீரியலின் மிகப்பெரிய மாஸ் சீன் என்னவென்றால், ரோஷினி நடித்த பேக் தூக்கிக் கொண்டு நடக்கும் காட்சி தான். இந்த சீன் பட்டி தொட்டியெங்கும் பரவி, மீம்ஸ் உருவாகும் அளவிற்கு வந்தது.
இப்படிப்பட்ட இந்த சீரியலின் முதல் சீசன் கடந்த 4 ஆம் தேதியுடன் முடிவடைந்துவிட்டது. இதைத் தொடர்ந்து பாரதி கண்ணம்மா சீரியலின் 2ஆம் பாகம் புதிய அத்தியாயத்தை இன்று தொடங்குகிறது. பாரதி கண்ணம்மா 2 என்ற இந்த சீரியலின் முதல் எபிசோடு நேற்று விஜய் தொலைக்காட்சியில் ஒளிபரப்பு செய்யப்பட்டது. இதில் ஒவ்வொரு கதாபாத்திரமும் அறிமுகப்படுத்தப்பட்டன.
அதில் பாரதியாக சிப்பு சூரியனும், கண்ணம்மாவாக வினுஷா தேவியும் நடித்துள்ளனர். மேலும், ரூபா ஸ்ரீ, தீபா சங்கர், அனுராதா கிருஷ்ணமூர்த்தி மற்றும் யூடியூப்பில் வரும் கெட்டிமேளம் என்ற குறும்படத்தில் நடித்த ரேஷ்மா இந்த தொடரின் மூலமாக தொலைக்காட்சியில் அறிமுகமாகியுள்ளார். இந்த தொடரில் நடிப்பது குறித்து அவர் தனது இன்ஸ்டாகிராம் பக்கத்தில் கூறியிருப்பதாவது: புதிய தொடக்கம்….எனக்கு இந்த வாய்ப்பு கொடுத்த பிரவீன் பென்னட் சாருக்கு நன்றி. நீங்கள் ஒரு அற்புதமான மனிதர் என்று குறிப்பிட்டு பாரதி கண்ணம்மா 2 டீமுடன் எடுத்த புகைப்படத்தை பதிவிட்டுள்ளார்.
அதுமட்டுமின்றி முரளி மற்றும் வடிவேலு நடிப்பில் வந்த சுந்தரா டிராவல்ஸ் பட புகழ் ராதாவும் இந்த சீரியலில் வலம் வருகிறார். இவர்கள் தவிர பாண்டவர் இல்லம் நடிகர் குகன் சண்முகம் ஆகியோர் பலர் நடித்துள்ளனர்.
